დასუფთავება პრაგმატული გაგებით განიხილება, როგორც პრაქტიკული, მექანიკური პროცესი და ადამიანთა ცხოვრების განუყოფელი ნაწილი. თუმცა მას სხვადასხვა კულტურაში სხვადასხვა დატვირთვა აქვს, მათ შორის არამხოლოდ პრაქტიკული მნიშვნელობის, არამედ რიტუალური ხასიათისაც.
აზია: ტრადიციები და თანამედროვეობა, უძველესი პრაქტიკები
იაპონია: ოსოჯის ხელოვნება
ოსოჯი ღრმა წმენდის, იგივე გენერალური დალაგების პრაქტიკაა, რომელიც საახალწლოდ ტარდება. ითვლება, რომ ის ასუფთავებს სახლს უბედურებისა და ყოველგვარი ნეგატივისგან, რათა მოამზადოს სივრცე ახალი, ბედნიერი ამბების დასაწყისისთვის. ოსოჯის დროს ყველა კუთხე საგულდაგულოდ იწმინდება, რაშიც ხშირად მთელი ოჯახი მონაწილეობს.
ჩინეთი: ცუდი იღბლისგან წმენდა
იაპონიის მსგავსად, ჩინელებიც მთვარის ახალი წლის დადგომამდე, სახლის საფუძვლიან დალაგებას იწყებენ. ჩინეთში იატაკების წმენდა ცუდი იღბლის მოშორების საშუალებად ითვლება.
ინდოეთი: დივალის პრაქტიკა
დივალს, იგივე სინათლის ფესტივალს, წინ უძღვის სახლების გენერალური და საფუძვლიანი დალაგება-დასუფთავება. რაც რიტუალური თვალსაზრისით უკავშირდება ნეგატივის მოცილებას და წმინდა, სუფთა სივრცის შექმნას ქალღმერთ ლაქშმის, სიმდიდრის ღვთაების დასახვედრად.
ევროპა: ტრადიციები და ძველი რწმენები
სკანდინავია: ფიქალის წმენდა
სუფთა ფიქალი საგაზაფხულო დასუფთავების ტრადიციაა, რომელიც ღრმად არის ფესვგადგმული სკანდინავიურ კულტურებში. ითვლება, რომ ის ენერგეტიკულად აახლებს სახლს და ემზადება თბილი თვეებისთვის.
* ფიქალი – ბრტყლად გათლილი და სუფთად დამუშავებული ქვა, რომელიც ხშირად გამოიყენებოდა სახლის გადასახურად.
საბერძნეთი: დალაგება-წმენდა დიდი მარხვისთვის
სახლის გენერალური წმენდა ტარდება ბერძნულ, მართლმადიდებლურ აღდგომამდე და სიმბოლურად უკავშირდება სულიერ განახლებას.
ამერიკა: ძველი სიბრძნე და თანამედროვე პრაქტიკა
ძველი, ადგილობრივი ამერიკელები ფიზიკური დაბინძურების გაწმენდის შემდეგ, ენერგეტიკული წმენდისთვის წვამდნენ სხვადასხვა ბალახებს, მაგალითად სალბს, რათა მათი რწმენის თანახმად, გაესუფთავებინათ სახლი და ადამიანები ნეგატიური ენერგიებისგან, ამასთან შეექმნათ ჰარმონია და ბალანსი მათ სივრცეებში.
აფრიკა: ტრადიციული და თანამედროვე დასუფთავება
სამხრეთ აფრიკა: მრავალი დასავლური კულტურის მსგავსად, სამხრეთ აფრიკულ კულტურაშიც არის საგაზაფხულო გენერალურ დალაგება-დასუფთავების პრაქტიკა. თუმცა, ის ხშირად შერწყმულია სხვა ტრადიციებთან, როგორიც არის მცენარეების დაწვა სივრცის გასაწმენდად და სხვა.
დალაგება, მეტი ვიდრე პროცესი
მიუხედავად იმისა, რომ დასუფთავება ხშირად პრაქტიკულ მიზანს ემსახურება, აშკარაა, რომ ბევრი კულტურა მას უფრო ღრმა მნიშვნელობას ანიჭებს ან ანიჭებდა. ზემოთ აღწერილი რიტუალები სცილდება დალაგების პრაგმატულ მიზნებს და უკავშირდება განახლების, განწმენდის და პოზიტიური ენერგიის მოზიდვის საშუალებებს.
მსოფლიოში დალაგებისა და დასუფთავების მრავალფეროვანი ადათ-წესების გააზრებით, ჩვენ უფრო მეტად ვაფასებთ ჩვენი ყოველდღიური საქმიანობის კულტურულ მნიშვნელობას. დალაგებისა და წმენდის ირგვლივ მრავალი ისტორიული ცოდნა და სხვადასხვა პრაქტიკა კიდევ ერთხელ უსვამს ხაზს ადამიანთა ყოველდღიურობის ამ ნაწილის მნიშვნელოვნებას.
