დალაგებასთან დაკავშირებული მითები და მცდარი რწმენები

სისუფთავის შენარჩუნებისა და დალაგების პროცესთან დაკავშირებით ხშირად გვხდება მითები და არასწორი წარმოდგენები. დასუფთავებისას ბევრი ადამიანი იყენებს გარკვეულ არასწორ მიდგომებს, რომლებიც სინამდვილეში არ ეხმარება რაიმეს დასუფთავების პროცესს და ხშირად პირიქითაც, მას ხელს უშლის.

სტატიაში განხილული იქნება რამდენიმე ყველაზე გავრცელებული მითი:

მითი 1: “მეტი საწმენდი საშუალება = მეტი სისუფთავე”

ბევრს ჰგონია, რომ რაც უფრო მეტ საწმენდ საშუალებას გამოიყენებს, მით უფრო სუფთა იქნება მათი გარემო. სინამდვილეში, ზედმეტი ქიმიური საშუალებების გამოყენება არა მხოლოდ არაეფექტურია, არამედ შესაძლოა ზიანსაც აყენებდეს თქვენი და თქვენი ოჯახისწევრების ჯანმრთელობას. უმჯობესია გამოიყენოთ რეკომენდებული დოზები და ყურადღება მიაქციოთ სწორ შესრულებას.

მითი 2: “სისუფთავე ყოველდღიურ ძალისხმევას მოითხოვს”

მართალია, რომ რეგულარული დალაგება სისუფთავის შენარჩუნებისთვის მნიშვნელოვანია, თუმცა ყოველდღიური საფუძვლიანი დალაგება საჭირო არ არის. უფრო ეფექტურია კვირის განმავლობაში დასალაგებელი სივრცეების შესახებ გეგმის შემუშავება და სხვადასხვა ზონის ეტაპობრივად დალაგება, რაც დროს და ენერგიას დაგიზოგავთ.

მითი 3: “ხის იატაკი ხშირად უნდა გაწმინდოთ წყლით”

ხის იატაკის წყლით ხშირად გაწმენდამ შესაძლოა მასალა დააზიანოს. ამის ნაცვლად, ჯობია გამოიყენოთ სპეციალური საწმენდი საშუალებები ან მსუბუქად ნესტიანი ქსოვილი (ტილო).

მითი 4: “ყველა ანტიბაქტერიული საშუალება საჭიროა სისუფთავისთვის”

ანტიბაქტერიული საშუალებების გამოყენება ყველგან საჭირო არ არის. ჩვეულებრივ სიტუაციებში, ჩვეულებრივი საწმენდი საშუალებები სრულიად საკმარისია. ანტიბაქტერიული პროდუქტების ზედმეტმა გამოყენებამ შეიძლება ზიანი მიაყენოს მასთან ხშირ შემხებლობაში მყოფთა ჯანმრთელობას, ამიტომ გამოიყენეთ ისინი ზომიერად, მხოლოდ საჭიროების შემთხვევაში.

მითი 5: “სისუფთავის სუნი = სისუფთავეს”

სისუფთავესთან ასოცირებული სუნი ხშირად შეიძლება ნიშნავდეს, რომ საწმენდმა საშუალებებმა ზედაპირებზე დატოვეს ნარჩენები, რაც კარგის ნიშანი სულაც არაა. ნამდვილი სისუფთავე მძაფრი და მკვეთრი სუნით არ ხასიათდება. ამიტომ, დარწმუნდით, რომ ყველა საწმენდი საშუალება კარგად არის ჩამორეცხილი ან სხვაგვარად მოშორებული ზედაპირებიდან, რათა თავიდან აიცილოთ მისგან გამოწვეული გართულებები, მაგალითად ალერგიები